२२ वर्षीया महिलालई असार २७ गते बलात्कार गरेको आरोपमा प्रहरीले गोदावरी नगरपालिका–५ का २२ वर्षीय दिनेश बोहरालाई असार २८ गते गिरफ्तार गरेको छ ।

पीडित महिलाले दिएको उजुरीको आधारमा असार २८ गते अरोपितलाई गिरफ्तार गरी अनुसन्धान भइरहेको जिल्ला प्रहरी कार्यालय, कैलालीका सई मोहनबहादुर सिंहले इन्सेक प्रतिनिधिसँगको भेटमा बताउनु भयो ।

सई सिंहले दिएको जानकारी अनुसार आरोपितले असार २७ गते राति  घरमा एक्लै सुतेको मौका छोपी बलात्कार गरेको पीडित महिलाले दिएको उजुरीमा उल्लेख छ ।

पीडित महिलाको स्वास्थ्य परीक्षण असार २८ गते  सेती प्रादेशिक अस्पताल, धनगढीमा गरिएको प्रहरीले जनाएको छ ।