२५ वर्षीया महिलालाई बलात्कार गरेको आरोपमा गणेशमान चारनाथ नपा–६ बस्ने २२ वर्षीय रामकुमार यादवलाई असार ३१ गते इलाका प्रहरी कार्यालय ढल्केवरले गिरफ्तार गरेको छ ।

असार २६ गते आफु घाँस काट्न गएको बेलामा आरोपित यादवले बलात्कार गरेको पीडित महिलाले बताउनु भयो ।

पीडित महिलाले इलाका प्रहरी कार्यालय ढल्केवरमा असार २७ गते उजुरी दिएको इलाका प्रहरी कार्यालय ढल्केवरका इन्स्पेक्टर तिर्थराज कार्कीले इन्सेक धनुषा प्रतिनिधिलाई टेलिफोनमा बताउनु भयो ।

घटना असार २६ गते भएको भएपनि गाउँमै पञ्चायत बसेर घटना मिलाउने प्रयास गरिएकाले प्रहरीमा असार २७ गते मात्र खबर भएको इन्स्पेक्टर कार्कीले बताउनु भयो ।

पञ्चायतमा केटालाई महिलासँग विवाह गर्नु पर्ने निर्णय भएपछि केटा पक्षले निर्णय नमान्दा घटना प्रहरीमा आएको हो । पञ्चायतको निर्णयपछि फरार भएका आरोपितलाई गाउँबाटै गिरफ्तार गरिएको छ ।

पीडित महिलाको प्रादेशिक अस्पताल जनकपुरमा असार २८ गते स्वास्थ्य परीक्षण गरिएको छ ।

दिपेन्द्रप्रसाद सिंह