काठमाडौँको मनमैजुस्थित सुमन गोर्खा खाजा घरमा दोलखाका दोर्जे शेर्पा सहितका युवा–युवती चिया पिउँदै थिए । नुवाकोट घर भएका लक्ष्मण तामाङको समूह त्यहाँ पुग्यो । एकैछिनमा दुई पक्षबीच विवाद भयो । दोर्जे समूहले छुराले हानेर २४ वर्षीय लक्ष्मणको हत्या गरे । दुईपक्ष झडप हुँदा दोर्जेले खाजाघरबाट लखेट्दै मितेरी पुलमा लगेर लक्ष्मणलाई छुरा हानेको बताइएको छ ।

सो हत्या ‘युवती विवाद’का कारण भएको प्रहरीको प्रारम्भिक अनुसन्धानबाट खुलेको छ । मृतक र दोर्जे समूहको बिचमा प्रेमिकाको बारेमा विवाद भएको हो । हत्यामा संलग्न मुख्य आरोपी पक्राउ परेका छैनन् । सोधपुछका लागि तीनजना युवलाई पक्राउ गरिएको महानगरीय प्रहरी परिसर काठमाडौंले जनाएको छ ।