Incident Reports
संसद विघटनविरुद्ध विराटनगरमा पनि प्रदर्शन
2020-12-20
Province 1, Morang, Biratnagar
५ पुस, विराटनगर । प्रतिनिधिसभा विघटनविरुद्ध सत्तारुढ दल नेपाल कम्युनिस्ट पार्टी (नेकपा)सहित तीन राजनीतिक दलका नेता तथा कार्यकर्ताहरुले विराटनगरमा प्रदर्शन गरेका छन् ।
नेकपा, प्रमुख विपक्षी दल नेपाली कांग्रेस र विवेकशिल साझा पार्टीका नेता तथा कार्यकर्ताहरुले प्रधानमन्त्री केपी शर्मा ओलीको कदमविरुद्ध प्रदर्शन गरेका छन् ।
प्रधानमन्त्री ओलीको कदमविरुद्ध आइतबार साँझ नेकपा निकट राष्ट्रिय युवा संघ नेपाल तथा अनेरास्ववियू विद्यार्थी संघ, नेपाली कांग्रेस निकट तरुण दल र विवेकशील साझा पार्टीले प्रदर्शन गरेको हो ।
संसद विघटन असंवैधानिक कदम भएको भन्दै उनीहरुले उक्त निर्णय तत्काल खारेज गर्न माग समेत गरेका थिए ।
विराटनगरमा दोस्रो दिन पनि संसद विघटनविरुद्ध प्रदर्शन
विराटनगर, ७ पुस । विराटनगरमा आज पनि विरोध प्रदर्शन गरिएको छ ।
प्रधानमन्त्री केपी शर्मा ओली र राष्ट्रियपति विद्यादेवी भण्डारीले असंवैधानिक रुपमा प्रतिनिधि सभा विघटन गरेको र मुलुकलाई अस्थिरतातर्फ धकेलेकोविरुद्ध नेपाली कांग्रेस, नेकपा प्रचण्ड माधव समूह, जनता समाजवादी पार्टीले दोश्रो दिन पनि वीराटनगरमा विरोध प्रदर्शन गरेका छन् ।
विराटनगरको तीनपैनी चोक बाट शुरु भएको विरोध र्यालीले नगरको विभिन्न भागको परिक्रमा गरेर कोणसभामा परिणत भएको थियो । सहभागिहरुले असंवैधानिक संसद विघटन खारेज गर, संसद पून : स्थापन गर, प्रतिगमन मर्दावाद, जनता झुक्याउन पाइदैन जस्ता नारा लगाएका थिए ।
Details and Impacts
| Violent / Non-violent | Nonviolent |
| Event Duration | More than 1 day |
| Primary Form | Demonstration |
| Primary Cause | Contestation over Constitution and federal restructuring |
| Actor 1 - Number of people | n/a |
| Actor 1 - Affiliations | Other/multiple/unspecified political affiliation |
| Actor 1 - Youth | unknown |
| Actor 2 - Number of people | n/a |
| Actor 2 - Affiliation (Target) | Government and civil servants at central level |
| Actor 2 - Youth | na |
