नेपाल प्रहरीको साइबर ब्युरोले साइबर अपराधको मुद्दामा अर्का एक जनालाई पनि पक्राउ गरेको छ।

चितवन माडी नगरपालिका-६ कल्याणपुरका ३५ वर्षीय थमबहादुर विश्वकर्मालाई पक्राउ गरेको हो। ब्युरोले काठमाडौं जिल्ला अदालतबाट पक्राउ अनुमति लिएको थियो।  

उनलाई चितवन प्रहरीको सहयोगमा पक्राउ गरेको हो।  

उनले फेक फेसबुक बनाइ नजिकैका नाता पर्ने महिलालाई यौनजन्य, अश्लिल सन्देश तथा तस्वीर पठाएको आरोपमा पक्राउ गरेको हो।   

उनले ती महिलालाई यौनअश्लिलतायुक्त अनर्गल सामग्री पठाएर अपमान तथा हैरानी दिएपछि ब्युरोले उनलाई पक्राउ गरेको हो।  

उनीहरू दुबैविरूद्ध प्रहरीले विद्युतीय कारोबार ऐन, २०६३ को दफा ४७ अन्तर्गत अनुसन्धान अघि बढाएको हो। ‍