काठमाडौं : रुपन्देहीको तिलोत्तमा नगरपालिका–१३ बाट पाँच वर्षीया बालिकालाई बलात्कार गरी समेत कुटपिट गरेको अभियोगमा एकजना पक्राउ परेका छन्। तिलोत्तमा–१३ बभनी बस्ने वाणगंगा नगरपालिका–१२ पटना घर भएका २८ वर्षीय होमबहादुर विकलाई प्रहरीले बिहीबार बेलुका पक्राउ गरेको हो।

बालिकालाई बलात्कार तथा कुटपिट गरी घाइते बनाई छाडेको भन्ने खबर प्राप्त हुनासाथ वडा प्रहरी कार्यालय भैरहवाबाट खटिएको प्रहरीले होम बहादुरलाई पक्राउ गरेको हो। बालिकालाई लुम्बिनी प्रादेशिक अस्पताल बुटवल हुँदै थप उपचारका लागि वीर अस्पताल काठमाडौं ल्याइएको छ।