काठमाडौं । श्रीमतीको हत्या गरेको आरोपमा प्रहरीले एकजनालाई नियन्त्रणमा लिएको छ ।

बिहीबार जिल्ला प्रहरी कार्यालय सुनसरीले श्रीमतीको हत्या अभियोगमा सुनसरीको धरान–८ दुर्गापथका ३७ वर्षीय तिलबहादुर माझीलाई पक्राउ गरेको हो ।

माझीले ३१ वर्षीया श्रीमती सम्झना माझीको खुकुरी प्रहार गरेर हत्या गरेको सुनसरीका प्रहरी नायब उपरीक्षक नरेन्द्रकुमार कार्कीले बताए।

घटनाका विषयमा अनुसन्धान भइरहेको जिल्ला प्रहरी कार्यालय सुनसरीले जनाएको छ।