१५ वर्षीया बालिकालाई सामुहिक बलात्कार गरेको आरोपमा पाँच जना आरोपितलाई प्रहरीले वैशाख ५ गते गिरफ्तार गरेको छ । किस्पाङ गाउँपालिका–५ सुकुटेखोलास्थित गोठमा बालिकालाई वैशाख ३ गते बलात्कार गरेको आरोपमा सोही वडाका १९ वर्षीय निर्मल तामाङ, २० वर्षीय अमृत तामाङ र १७ वर्षीय तीन जना बालकलाई गिरफ्तार गरी अनुसन्धान थालिएको जिल्ला प्रहरी कार्यालयका डिएसपी तथा सूचना अधिकारी खगेन्द्रबहादुर खड्काले जानकारी दिनुभयो । आरोपितमध्ये निर्मल र तीन जना बालकलाई वैशाख ४ गते र अमृतलाई वैशाख ५ गते गिरफ्तार गरिएको डिएसपी खड्काले बताउनु भयो । आरोपितमध्ये निर्मलले सुकुटेपुलमा बालिकालाई भेट्न बोलाएको र उसका अन्य चार जना साथीसहित पाँच जनाले सामुहिक बलात्कार गरेको डिएसपी खड्काले उल्लेख गर्नुभयो । पीडितले बालिकाले जिल्ला प्रहरी कार्यालयमा वैशाख ४ गते उजुरी दिएकी थिइन् । पीडित बालिकाको स्वास्थ्य परीक्षण सोही दिन त्रिशूली अस्पतालमा भयो ।