बन्दको अवज्ञा गरेको भन्दै कपिलवस्तुवाट प्रकाशित दैनिक पत्रिका बुद्ध दर्पण र बुटवलवाट प्रकाशित दैनिक पत्रिका बुटवल टुडे पत्रिका आन्दोलनकारी दल मधेसी मोर्चाका कार्यकर्ताहरूले जलाएका छन् । पत्रिका वितरक कृष्ण यादवलाई बन्दमा पत्रिका बोकेको भन्दै दुर्व्यवहार गर्दै उनीसँग रहेका ४ सय थान पत्रिका आगो लगाएर जलाएका थिए । भोलिदेखि पत्रिका नल्याउनु भन्दै धम्क्याएको उनले बताए । एक साताका लागि निषेधआज्ञा थप ------------------------ जिल्ला प्रशासन कार्यालय, कपिलवस्तुले ०७२ भदौ १७ गतेदेखि भदौ २३ गतेसम्मका एक साताका लागि निषेधाज्ञा जारी गरेको छ । जिल्ला सुरक्षा समितिको बैठकपछि प्रमुख जिल्ला अधिकारी अब्दुल कलाम खाँले स्थानीय प्रशासन ऐन २०२८ को दफा ६ को उपदफा ३ को 'क' बमोजिम प्रशासन कार्यालयदेखि करिब ३ सय मिटर आसपासमा क्षेत्रमा कुनै धर्ना जुलुस, सभा सम्मेलन वा विरोध प्रदर्शन गर्न नपाइने गरी निषेधाज्ञा जारी गरेको छ ।