संयुक्त लोकतान्त्रिक मधेसी मोर्चाका कार्यकर्ताले नेपाली कांग्रेस सप्तरीको कार्यालयमा तोडफोड गरेका छन् । राजविराजमा रहेको कांग्रेसको कार्यालयमा मोर्चाका प्रर्दशनकारीले बिहीबार तोडफोड गरेका हुन् । स्वायत मधेस प्रदेश लगायतका मागमा कांग्रेस उदासिन रहेको भन्दै उनीहरुले राजविराज–१ अदालत रोडमा रहेको कांग्रेसको कांग्रेसको कार्यालयमा तोडफोड गरेका हुन् । कार्यालयको मुख्य प्रवेशद्वारमा लगाइएको ढोका फोरेर भित्र पसेका प्रदर्शनकारीले कुर्सी लगायतका कार्यालयमा रहेका सामान तोडफोड गरेका छन् ।