जिल्ला वन कार्यालय धनुषाका कार्यालय प्रमुख वीरेन्द्र साहलाई कुटपिट गरेको आरोपमा बटेश्वर गाविस-५ निवासी एकीकृत नेकपा माओवादीका वरिष्ठ जिल्ला सदस्य ३६ वर्षीय देवसागर दासलाई फागुन २४ गते राती प्रहरीले गिरफ्तार गरेको छ । जिल्ला वन कार्यालयमा तोडफोड र कर्मचारीलाई हातपात गरेको आरोपमा दासलाई राती गिरफ्तार गरिएको डीएसी नकुल पोखरेलले बताए । फागुन २३ गते कार्यालय प्रमुख साहलाई कुटपिट गरि ल्यापटप, मोवाइल लगायत कार्यालयका सरसमानहरू तोडफोड गरेको जिल्ला वन कार्यालयले जनाएको छ । पीडित पक्षले सांसद रामसिंह यादव, एमाओवादी केन्द्रीय सदस्य रामचन्द्र मण्डल, देवशागर दास लगायतका नेताहरू विरुद्ध पनि जिल्ला प्रहरी कायालयमा फागुन २४ गते जाहेरी परेको डीएसपी पोखरेलले बताए । एमाओवादी नेता दासलाई गिरफ्तार गरिएको विरोधमा एमाओवादी कायकर्ताले जिल्ला प्रहरी कार्यालय अगाडि विरोध प्रदर्शन गरेका छन् । विनोदकुमार रविदास