२२ वर्षीया एक महिलालाई बलात्कार गरेको आरोपमा जिल्ला प्रहरी कार्यालय कञ्चनपुरले पुर्नवास नगरपालिका-११ का ५८ वर्षीय पुरुषलाई ०७२ फागुन २८ गते गिरफ्तार गरेको छ । पीडितले फागुन २८ गते जिल्ला प्रहरी कार्यालयमा ससुराका विरुद्ध उजुरी दिएपछि प्रहरीले आरोपितलाई गिरफ्तार गरेको हो । पीडितलाई महाकाली अञ्चल अस्पतालमा स्वास्थ्य परीक्षणका लागि पठाएको जिल्ला प्रहरी कार्यालय, महिला तथा बालबालिका सेवा केन्द्रले जनायो । गिरफ्तार आरोपितलाई जिल्ला प्रहरी कार्यालयको हिरासतमा राखी आवश्यक अनुसन्धान शुरु गरिएको जिल्ला प्रहरी कार्यालयले जनायो ।