भरतपुरस्थित चितवन मेडिकल कलेजको आकस्मिक कक्षमा चैत १ गते राति १० वजेको समयमा ढुङ्गा प्रहार गरी तोडफोड भएको छ । कम्पाउण्ड बाहिरबाट प्रहार भएको ढुङ्गा आकस्मिक कक्षको सिसा फुटेर बिरामी भएको शैयामा पुगेको अस्पतालका निर्देशक डा. दयाराम लम्सालले बताए । केही दिनअघिदेखि आन्दोलनरत विप्लब माओवादी पक्षका कर्मचारी र सोही पार्टीका अन्य कार्यकर्ताले ढुङ्गा प्रहार गरेको अस्पतालले जनाएको छ । आरोपित पक्षले भने घटनाको जिम्मेवारी लिएको छैन । तोडफोडबाट झ्याल तथा ढोकाको सिसा फुटेकोले आकस्मिक कक्षका विरामीलाई अन्यत्र सारिएको छ । कर्मचारीहरूले १५ सुत्रीय माग राखेकोमा केही मागलाई लिएर भौतिक कारबाही गर्नै चेतावनी दिए अनुसार सो आक्रमण भएको अस्पतालले जनाएको छ ।

दिपेन्द्र अधिकारी