फिदिम नपा-१ की १८ वर्षीया रेतासा तुम्रोकले चैत १४ गते २१ वर्षीय पति सागर तामाङविरूद्ध कुटपिट आरोपमा जिल्ला प्रहरी कार्यालयमा उजुरी दिएकी छिन् । मार्ने धम्की दिँदै आरोपितले चैत १३ गते कुटपिट गरेकाले कानुनी कारबाहीका लागि उजुरी दिएको पीडितले बताइन् । शरीरमा निलडाम लागेकी पीडितको उपचार भएको छैन । यसअघि मादक पदार्थ सेवन गरी सागरले पटकपटक कुटपिट गर्नुका साथै सम्बन्ध विच्छेद गर्न माग गर्ने गरेको पीडितले बताइन् । पीडितको उजुरी अनुसार घटनाको अनुसन्धान गरी आरोपितमाथि कानुनी कारबाही गरिने कोइरालाले जानकारी दिए । उनीहरूको दुई वर्षीय एक छोरा छन् ।