भक्तपुरको चाँगुनारायण नगरपालिका-१७ खस्याङखुसुङ खोलामा बुधबार एक पुरुषको शव भेटिएको छ । वैशाख ९ गते राति १० बजे घरबाटै हराएका भक्तपुर नगरपालिका-५ भोलाछे बस्ने ५० वर्षका दिलबहादुर नेपालीको शव खोलामा कुहिएर किरा परेको अबस्थामा भेटिएको महानगरीय प्रहरी परिषर भक्तपुरका प्रहरी निरिक्षक दिनेशकुमार भण्डारीले बताउनुभयो । शव भेटिएपछि मृतकको छोरा दिपेश नेपालीले हातमा बनाएको नाम सहितको ट्याटु र लुगाबाट शवको पहिचान गरेपछि शव पोष्ट मार्टमका लागि शिक्षण अस्पताल पठाइएको र थप अनुसन्धान सुरु गरेको प्रहरीले जनाएको छ ।