यातायात व्यवस्था कार्यालय वागमती अञ्चलको एउटा भवनमा तोडफोड भएको छ । एक समूहमा आएका व्यक्तिले भवनमा तोडफोड गरेको र उनीहरुको पहिचान हुन नसकेको कार्यालय प्रमुख उमेश बस्नेतले जानकारी दिनुभयो । मंगलबार राति कार्यालयको १ नम्बर भवनको भूँइतल्लामा रहेका ९ वटा झ्यालको सिसामा तोडफोड भएको थियो । कार्यालयमा पुगेका सेवाग्राहीलाई अनावश्यक दुःख दिने १३ जना दलाललाई मंगलबार पक्राउ गरेकाले उनीहरुले नै आक्रमण गरेको हुनसक्ने कार्यालय प्रमुख बस्नेतले बताउनुभयो । प्रहरीले तोडफोडबारे अनुसन्धान सुरु गरेको जनाएको छ ।