मङ्गलबार बिहान ६:३० मा मिर्गे गाविस-५ चिलाउनेखर्क निवासी ५४ वर्षीय केशावप्रसाद दहालको उनकै घरमा खुकुरीले घाँटी रेटी हत्या गरेर तामाङ फरार भएका थिए । आज बिहान स्थानीयवासीले दिएको सूचनाका आधारमा प्रहरीले जिरी नगरपालिका-७ सिक्रीको जङ्गलबाट बिहान ६ः४० मा पक्राउ गरेको इप्रका जिरीका प्रहरी निरीक्षक राजेश कार्कीले जानकारी दिए। तामाङको साथबाट हत्यामा प्रयोग भएको खुकुरीसमेत बरामद गरिएको छ। अहिले तामाङलाई इप्रका जिरीमा ल्याइएको छ। थप अनुसन्धानका लागि उनलाई आजै जिल्ला प्रहरी कार्यालय दोलखा पठाइने इप्रका जिरीले बताएको छ। तामाङ र दाहाल वरपरका छिमेकी भएको र खानेपानीमा विवाद भइराख्ने कारण उनको हत्या भएको हुनसक्ने प्रहरीको प्रारम्भिक अनुसन्धानले देखाएको छ।