धौवादी गाविस-७ घर भई कावासोती नपा-४ हसौरामा रहेको सरस्वती उच्च माविको कक्षा १० मा अध्ययनरत छात्रा नैनसरा बयम्बुलाई शिक्षकद्वय सुरेन्द्र भुर्तेल र आनन्द अधिकारीले शरीरमा निलडाम हुनेगरी कुटपिट गरेको आरोपमा प्रहरीमा उजुरी परेको छ । आन्तरिक परीक्षामा अनुतीर्ण भएको भन्दै विद्यार्थीलाई कुटपिट गरेको भन्दै अभिभावकका बाबु भिमबहादुर बयम्बुले आरोपितद्वयलाई कारबाही र छोरीको उपचारको माग गर्दै इलाका प्रहरी कार्यालय नवलपुरमा उजुरी दिएका हुन् । पीडित बालिका भरतपुर अस्पतालमा उपचार पछि घर फर्किएर आराम गरिरहेको बाबु भिमबहादुरले बताए ।