तुल्सीअर्वा–१ बन्जारी टोल बस्ने बिजुली राउत अहिरको घरबाट गएराति नगद लगायत विभिन्न धनमाल डकैती भएको छ । ८।१० जनाको समूहमा आएका डाँकाहरुले अहिरको घरबाट नगद १ लाख रुपैयाँ, ५ तोला बराबरको सुनका बिभिन्न गहना, करीब २ किलो चाँदीको बिभिन्न गहना सहित करीब ५ लाख ४० हजार रुपैयाँ बराबरको धनमाल डकैती गरेको बताइएको छ । डाँका समूहको प्रतिकार गर्ने क्रममा बिजुली राउत समेत सामान्य घाइते भएका थिए । फरार डाँकाहरुको खोजतलास गर्नुको साथै यस सम्बन्धमा प्रहरीले आवश्यक अनुसन्धान गरिरहेको छ ।