पोखरा- १ बागबजारमा मोटरसाइकलमा आएका २ युवकले खुकुरी देखाएर गहना लुटेका छन् । आइतबार दिउँसो कालो पल्सर मोटरसाइकलमा आएका दुईजनाले पास्कल गल्लीमा पोखरा-७ घारीपाटनकी एक महिलाले लगाएको ५ तोलाको सिक्री लुटेर फ्राहार भएका हुन् । उनीसंगै रहेकी अर्की महिलाको घाँटीमा रहेको सिक्री निकाले पनि भाग्ने क्रममा भुइमा खसेको स्थानीयले बताए । दुवै महिलाको घाँटीमा सामान्य चोट लागेको प्रहरीले जानकारी दिएको छ । आफुहरुले लुटेराहरुलाई समात्ने प्रयास गरेपनि सफल हुन नसकेको स्थानीयले बताए । कास्कीका चारै नाकामा प्रहरी परिचालन गरेर लुटेराहरुको खोजीकार्य जारी रहेको कास्कीका प्रहरी प्रवक्ता गजुसिद्धी बज्राचार्यले जानकारी दिए ।