छिमेकीको कुटाइबाट वाणगंगा नगरपालिका–९ मा बिहीवार राति एक जनाको ज्यान गएको छ । सामान्य घरायसी विवाद भएपछि स्थानीय तिलकराम थारुले छिमेकी ४४ वर्षे कन्हैया थारुलाई कोदालो हान्दा कन्हैया ज्यान गएको हो । रक्सी खाएका तिलकरामले पटक–पटक कोदालो हान्दा घाइते हुनुभएका कन्हैयाको उपचारको क्रममा ज्यान गएको प्रहरीले जनाएको छ । प्रहरीले तिलकराम थारुलाई पक्राउ गरी अनुसन्धान सुरु गरेको कपिलवस्तुका प्रहरी उपरीक्षक विष्णु केसीले बताउनुभयो ।