छुरा प्रहार गरी छिमेकीलाई घाइते बनाउने पथरीशनिस्चरे नगरपालिका–७ किराँतचोक बस्ने २९ वर्षीय भोजराज राईलाई सोमबार प्रहरीले पक्राउ गरेको छ । राईले अत्यधिक मादक पदार्थ सेवन गरी घरमा झै–झगडा तथा हो–हल्ला गरेको कारण छिमेकीहरु हेर्न गएको अवस्थामा सोही ठाउँ बस्ने ३८ वर्षीय अम्मर रिमाल र ३५ वर्षीय कबिराज राईलाई छुरा प्रहार गर्दा गम्भीर घाइते भएकोले उपचारको लागि पथरी अस्पताल पठाइएको छ । दुबै जनाको अबस्था गम्भीर रहेको तथा कबिराजलाई थप उपचारको लागि घोपा धरान पठाइएको छ ।