सुनसरीको नरसिंह गाविसमा सोमबार घाँस काट्ने बिषयमा विवाद हुँदा स्थानीय दुइ महिलाको कुटपिटबाट एक महिलाको मृत्यु भएको छ। स्थानीय २० बर्षीय चबरुण खातुन र ३० बर्षीय अम्ना खातुनको कुटपिटबाट नरसिंह गाबिस-१ बस्ने ३० बर्षीय अप्रोजा खातुनको सोमबार साँझ मृत्यु भएको हो। उपचारका क्रममा उनको मृत्यु भएको प्रहरीले जनाएको छ। सोमबार दिउँसो खेतमा घाँस काट्ने बिषयमा विवाद हुँदा दुबै जना मिलेर अप्रोजालाई कुटपिट गरेका थिए। कुटपिटमा संलग्न दुबै महिलालाई नियन्त्रणमा लिई अनुसन्धानका लागि जिल्ला प्रहरी कार्यालय सुनसरीमा राखिएको छ।