झापाको जलथलमा अवैध सिकारीको गोली लागेर एक महिलाको ज्यान गएको छ । ३१ वर्षीया अनिता मेचेको सोमबार सिकारीको गोली लागेर ज्यान गएको प्रहरी उपरीक्षक शैलेन्द्र थापाले बताउनुभयो । उहाँका अनुसार दाउरा खोज्न घर नजिकै रहेको रणकाली सामुदायिक वनमा गएकी मेचेको दाहिने हातमा गोली लागेको थियो । मेचेलाई उपचारका लागि भद्रपुरस्थित ओमसाई पाथीभरा हस्पिटल लगिएकोमा अत्याधिक रक्तस्रावका कारण उहाँको उपचारकै क्रममा ज्यान गएको उपरीक्षक थापाले बताउनुभयो । गोली हान्नेको खोजी भइरहेको प्रहरीले जनाएको छ । शव परीक्षणका लागि मेची अञ्चल अस्ताल भद्रपुरमा लगिएको छ ।