बिरगंज उपमहानगरपालिका १४ स्थित साल्ट ट्रेडिङ अगाडि बुधवार एक शिशु म्रित अवस्थामा भेटिएको छ। अन्दाजी ५-६ महिनाको जस्तो देखिने शिशु बिहान म्रित अवस्थामा भेटिएको पर्सा प्रहरी प्रवक्ता प्रहरी नायब उपरिक्षक चक्रराज जोशीले जानकारी दिए। '५-६ महिनाको जस्तो देखिने बालक शिशुको शव भेटिएको छ। उनले भने 'कसैले गर्भपतन गरेर सालनाल सहित फालेको हुनसक्छ। हामी त्यसबारेमा अनुसन्धान गरिरहेका छौं'। शवलाई कुकुरले तान्दै गरेको देखेपछि स्थानीय बासिन्दाले प्रहरीलाई खबर गरेका थिए। शिशुको शव पोस्टमार्टमका लागि नारायणी उपक्षेत्रीय अस्पताल बिरगंजमा लगिएको जिल्ला प्रहरी कार्यालय पर्साले जनाएको छ।