(PR) महाभारत गाविस ९ तातोपानीमा सोमबार भरुवा बन्दुक प्रहार गरी एक व्यक्तिको हत्या भएको छ । स्थानीय दिव्य भनिने दीपबहादुर राईले प्रहार गरेको भरुवा बन्दुकको छर्राले महाभारत २ का करिब ३० वर्षीय सबिन राईको मृत्यु भएको प्रहरीले जनायो । उनको घटनास्थलमै मृत्यु भएको थियो । दीपबहादुर फरार छन् । उनको खोजी कार्यका लागि विभिन्न नाकामा प्रहरी परिचालन गरिएको प्रहरी उपरीक्षक सुदीप राजभण्डारीले जनाए ।