ANNFSU-R affiliated to CPN-M (Chand) staged protest rally at Kailali on Sunday demanding release of their two cadres who where arrested on the charge of putting black sooth on the face of Lokman Singh Karki. विप्लव नेतृत्वको नेकपा माओवादी पार्टीको विधार्थी भातृ संगठन अखिल क्रान्तिकारीले आइतबार कैलालीमा पनि विरोध प्रदर्शन गरेको छ । केही दिनअघि अख्तियारका निलम्बित आयुक्त लोकमानसिंह कार्कीलाई कालोमोसो दलेको भन्दै अखिल क्रान्तिकारीका केन्द्रीय सदस्य प्रकाश शाही र चन्द्र बुढालाई प्रहरीले थुनामा राखेको विरोधमा प्रदर्शन गरिएको हो । तत्काल रिहाईको माग गर्दै देशव्यापी कार्यक्रम अन्तर्गत कैलालीको धनगढी, टिकापुर र सुगरखालको सोल्टामा विरोध सभा सहित प्रदर्शन गरिएको क्रान्तिकारीले जनाएको छ । आफ्ना कार्यकर्तालाई रिहाई गर दलाल र भ्रष्टाचारीलाई कारवाही गर भन्दै नारावाजी पनि गरिएको थियो ।