सुनसरी – इटहरी उपमहानगरपालिका-१५ स्थित एकम्बामा आइतबार गोली चल्दा स्थानीय २४ वर्षीय भविष चौधरी गम्भीर घाइते भएका छन् । अज्ञात व्यक्तिले चौधरीलाई गोली प्रहार गरेको सुनसरी प्रहरी प्रमुख प्रहरी उपरीक्षक पोषराज पोखरेलले जानकारी दिए । छातीमा गोली लागेका चौधरीको धरानस्थित बीपी कोइराला स्वास्थ्य विज्ञान प्रतिष्ठानको सघन उपचार कक्षमा उपचार भईरहेको प्रहरी उपरीक्षक पोखरेलले बताए । घाइतेको अवस्था चिन्ताजनक रहेको छ । घटनाको सूचना ढिलो आएको तथा उक्त स्थानबाट टेलिफोनमा समेत सम्पर्क हुन नसक्ने भएकोले खबर प्राप्त गर्न ढिलाई भएकाले गोली चलाउने व्यक्ति पहिचान नभए पनि शंकास्पद अवस्थाका ६ जनालाई पक्राउ गरी सोधपुछ भईरहेको पनि प्रहरी उपरीक्षक पोखरेलले जानकारी दिए । सुनसरी मोरङ सिचाई आयोजनाको नहरको डिलमा गोली चलेको पाइएको र युवाहरुबीच भनाभन वा विवाद बढेपछि गोली चलेको भन्ने स्थानीयवासीको भनाइका अधर्म प्रहरीले सोही क्षेत्रको शंकास्पद अवस्थाका युवाहरुलाई नियन्त्रणमा लिएको बताईएको छ ।