कुटपिट गरेको अभियोगमा स्याङ्जा पुतलीबजार नगरपालीका–४ बस्ने २४ बर्षीय निरज मरासिनि र धादिङ घर बताउने २५ बर्षीय अर्जुन सापकोटालाई प्रहरीले सोमबार पक्राउ गरेको छ । उनीहरुले पुतलीबजार नगरपालीका–१ मजुवा स्थित भाँडा व्यापार गरी हिड्ने भारत जिल्ला खुशिनगर पतरौना घर बताउने मुन्ना खान र रुपन्देही बुटवल उपमहानगरपालीका–६ घर बताउने २५ बर्षीय रामु भुषाललाई कुटपिट गरेका थिए । कुटपिटबाट घाईते भएको दुबै जनालाई जिल्ला अस्पताल स्याङ्जा लगी थप उपचारको लागि पोखरा रिफर गरिएको छ । कुटपिटमा संलग्न मुनाल थापा फरार रहेकोले प्रहरीले खोजतलास गरिरहेको छ । यस सम्वन्धमा प्रहरीले आवश्यक अनुसन्धान गरिरहेको छ ।