पर्सामा मधेसी मोर्चाका कार्यकर्ताहरुले विभिन्न सरकारी कार्यालयमा तोडफोड गरेका छन् । मोर्चाका कार्यकर्ताले वीरगञ्जस्थित नापी, मालपोत, हुलाक र नगरपालिकाको कार्यालयमा तोडफोड गरेका हुन् । तोडफोडबाट कार्यालयमा सिसाहरु फुटेका छन् । यस्तै मोर्चाका कार्यकर्ताहरुले अहिले चोकचोकमा भेला भएर सरकार र एमालेको विरोधमा प्रदर्शन गरिरहेका छन् भने मोर्चाले गर्न सक्ने उच्छृङ्खल गतिविधिलाई ध्यानमा राखेर व्यापक सुरक्षाकर्मी परिचालन गरिएको छ । सप्तरीमा सोमबार साँझ भएको प्रहरी र मोर्चाका कार्यकर्ताबीच भएको झडपका क्रममा तीन जनाको मृत्यु हुनुका साथै दर्जन बढी घाइते भएका थिए । सो को विरोधमा मधेसी मोर्चाले आज तराई मधेस बन्दको घोषणा गरेको छ ।