सप्तरी घटनालाई लिएर विरोधमा उत्रिएका मधेसी मोर्चाका कार्यकर्ताले नेपालगन्जको धम्बोझी चोक नजिकै एक सवारीसाधनमा तोडफोड गरेका छन् । उनीहरुले बन्दको अवज्ञा गरेको भन्दै सवारीसाधन तोडफोड गरेका हुन । विरोधमा उत्रिएका मोर्चाका नेताहरु नेपालगन्ज बजार बन्द गराउन झण्डा बोकेर बजार परिक्रमा गरिरहेका छन् । नेपालगन्जसँगै जोडिएको मानपुरमा पनि मोर्चाका कार्यकर्ताहरुले नेपालगन्ज-गुलरिया सडक अवरुद्ध गर्न खोजिरहेका छन् । ठूला सवारी साधन ठप्प छन् । मोटरसाईकल, रिक्सा भने चलेका छन् । स्थानीय प्रशासनले सुरक्षा कडा पारेको छ । व्यापक सुरक्षाकर्मी तैनाथ गरिएका छन् ।