संयुक्त लोकतान्त्रिक मधेशी मोर्चाका कार्यकर्ताहरु पिरारी चौकमा रहेको पर्यटन कार्यालयमा आगजनी गरेका छन् । पर्यटन कार्यालय धनुषाका प्रमुख सत्यनारायण साहको कार्यकक्षमा आगजनी भएको जिल्ला प्रहरी कार्यालय धनुषाले जनाएको छ । सो आगलागीमा परी कार्यालयका २ वटा सोफा र केही कुर्सी टेबल जलेर पूर्णरुपमा नष्ट भएको जनाइएको छ । आगलागी भएको करीब आधा घण्टा पश्चयात तरकारी किन्न बजारतर्फ निस्केका कार्यालय सहायक आएपछि स्थानीयको सहयोगमा आगो निभाइएको थियो । पाँच मिनेटको दूरीमा पिराडी चौकमा सुरक्षार्थ दर्जनौको संख्यामा प्रहरी खटिएपछि कार्यालयमा आगजनी भएको छटनाको करीब एक घण्टा ढिलो गरी प्रहरी घटना स्थलमा पुगेको बताइएको छ ।