नेकपा एमालेको मेची महाकाली राष्ट्रिय अभियानलाई लक्षित गर्दै मधेसी मोर्चाले मंगलवार आह्वान गरेको नेपालगञ्ज बन्दका कारण जनजीवन प्रभावित भएको छ । मंगलबार बिहानैदेखि बन्दको आंशिक प्रभाव देखिएको छ । मोर्चाले एमालेको अभियान र नेपालगञ्जको जनसभामा सहभागी नहुन बाँकेका स्थानीय समुदायलाई अपिल गरेको छ । एमालेको सभामा मान्छे आउन नदिन दक्षिणी क्षेत्रका सडकमा मधेसी मोर्चाका कार्यकर्ताले प्रदर्शन गर्दैछन् । एमालेले हठ देखाएर जबर्जस्ती नेपालगञ्जमा शक्ति प्रदर्शन गर्न खोजेकाले अवरोध गर्नुपरेको मोर्चाका नेता इस्तियाक राईले अनलाइनखबरलाई बताए ।