इन्सेक मोरङ जिल्ला प्रतिनिधि इन्दिरा भट्टराईका अनुसार स्थानीय तह कार्यन्वयन हुन नदिने जनाउँदै आएको संयुक्त लोकतान्त्रिक मधेसी मोर्चाले चैत ४ गते मोरङको धनपाल गाउँपालिका कार्यलयको बोर्ड हटाई कार्य सञ्चालनमा अवरोध गरेको छ । स्थानीय तहको निर्वाचनको केन्द्र तोक्नका लागि चैत ४ गते बोलाइएको सर्वदलीय बैठकमा पुगेका मोर्चाका कार्यकर्ताहरूले बैठकमा समेत अवरोध गरेका छन् । उनीहरूको अवरोधका कारण बैठक सञ्चालन हुन नसकेको सो गाउँपालिकाका कार्यकारी अधिकृत हरिप्रसाद पोखरेलले बताए ।