यथास्थितिमा स्थानीय तह निर्वाचनको विरोध गर्दै आएका संयुक्त लोकतान्त्रिक मधेशी मोर्चाले धनुषा जिल्लाको विभिन्न गाउँपालिका तथा नगरपालिकाको कार्यालयमा बोर्ड हटाउनुका साथै तोडफोड समेत गरेका छन् । तराई मधेश युवा फन्टका जिल्ला अध्यक्ष जिवेन्द झाको नेतृत्वमा रहेका मोर्चाका नेता तथा कार्यकर्ताहरुले औरही गाउँपालिकाको परवाहा केन्दमा रहेको गाउँपालिकाको बोर्ड हटाउनुका साथै तालाबन्दी गरेका छन् । मधेशको माग पुरा गरे विना स्थानीय तह कार्यान्वयन हुन सक्ने भन्दै युवाहरुले सरकारविरुद्ध विभिन्न नाराबाजी गर्दै बोर्ड हटाएका थिए । उनीहरुले मधेशको माग पुरा नभएसम्म तालाबन्दी जारी रहने बताएका छन् । त्यसै गरि नगराइन नगरपालिकाको फुलगामास्थित वडा कार्यालयमा समेत मोर्चाका कार्यकतौहरुले बोर्ड हटाउनुका साथै त्यहाँ तोडफोड समेत गरेका छन् । मोर्चाका नेताहरुले वडा कार्यालयमा रहेका फनिर्चरहरु समेत तोडेका छन् । तोडफोडपछि उनीहरुले वडा कार्यालयमा तालाबन्दी समेत गरेका छन् ।