नेपाल सदभावना पार्टीका कार्यकर्ताहरुले विदेह नगरपालिकाको बोर्ड जलाएका छन् । सरकारले संविधान संशोधनको प्रकृया अगाडी नबढाई स्थानीय तहको चुनाव गर्न लागेको विरोधमा सद्भावनाका कार्यकर्ताहरुले नगरपालिकाको बोर्ड हटाएर जलाएका हुन् । सरकार र एमाले अध्यक्ष केपी शर्मा ओली विरुद्ध नाराबाजी गर्दै उनीहरुले विदेह नगरपालिकाको बोर्ड हटाएका थिए । नेपाल सदभावना पार्टी धनुषा क्षेत्र नम्वर २ का अध्यक्ष संजीव झाको नेतृत्वमा बोर्ड हटाउन पुगेका कार्यकर्ताहरुले एमाले अध्यक्ष केपी शर्मा ओलीको पुतला दहन समेत गरेका थिए । एमाले अध्यक्ष ओली मधेशीविरोधी रहेकाले उहाँको पुतला दहन गरिएको झाले बताउनुभयो ।