वनमा आगो लगाएको आरोपमा महिला र बालकलाई चरम यातना दिइएको छ । भरतपुर-११ गणेशस्थान क्षेत्रमा रहेको वनमा आगजनी गरेको आरोपमा पक्राउ परेका एक बालक, एक महिला र अन्य दुई युवालाई कुटपिट गरिएको घटना चार दिनपछि सार्वजनिक भएको छ । वनमा आगो लगाएको आरोपमा सीमा सुरक्षा बल आँपटारीका सशस्त्र प्रहरीले भरतपुर-११ बस्ने वर्ष १४ का पुस्कर तामांग, वर्ष १७ का अमित तामांग, १७ वर्षकी दानु हमाल र १७ वर्षकै विमल विकलाई चैत ४ गते बिहिबार घरमै रहेको अवस्थामा नियन्त्रणमा लिइ कुटपिट गरेर घाइते बनाएको आरोप स्थानीयले लगाएका छन् । आरोपितहरुको शरीरको आँखा धाद, पाखुरा, घुँँडामा घाउ रहेको छ । यस घटनामा १० जना गिरफ्तारमा परे पनि अरु छुटिसकेको प्रहरीले जनाएको छ ।यी चार जनाको हकमा भने आइतबार ६ गते आगजनी आरोपमा १० दिन म्याद थप भई अनुसन्धान भइरहेको वन कार्यालय चितवनका प्रमुख केदार पौडेलले बताए । पिडितले कुटपिट भएको घटना सोमबारमात्र पत्रकार र मानवअधिकार अभियन्तालाई जानकारी गराएका थिए ।