जनकपुर १७ तेतरिया बजारबाट बुधबार साँझ अपहरणमा परेका तेतरियाका राजकुमार यादवका छोरा १८ वर्षीय राहुल अपहरणमा परेको केही घण्टापछि मुक्त भएका छन् । तेतरिया बजारमा घुमिरहेको बेला अवेर साँझ दुई जना अपरिचित व्यक्तिहरुसँग राहुलको विवाद भएको र सोही क्रममा उनीहरुले राहुललाई नियन्त्रणमा लिएर उत्तरतर्फ लागेको घटना लगत्तै स्थानीयले प्रहरीलाई खबर गरेका थिए । यता स्थानीयले पनि अपहरणकारीको पिछा गरिरहेको घटनाका प्रत्यक्षदर्शी अजय यादवले बताए । अपहरणमा परेका राहुललाई खोज्दै उक्त क्षेत्रलाई घेरा हालेको डिएसपी मनोज यादवले बताए । उनका अनुसार स्थानीयको सहयोगमा प्रहरीले सक्रियता बढाएपछि अपहरणकारी विचलित भएका थिए र राहुललाई छाडेर भागेका डिएसपी यादवले बताए । अपहरणकारीको खोजी र घटनाको थप अनुसन्धान जारी रहेको यादवले बताए ।