धार्मिक एवं ऐतिहासिक जनकपुरको पापमोचनी पोखरी सरोवरमा एक नवजात शिशु फेला परेको छ । बृहत्तर जनकपुर विकास क्षेत्र परिषदको अगाडी उक्त पोखरीमा शुक्रबार ती नवजात शिशु फालिएको अवस्थामा मृत फेला परेको हो । शिशुलाई स्थानीयवासीहरुले बिहिबारदेखि नै पोखरीमा देखेपनि शुक्रबार बिहान भने स्थानीय सञ्चारकर्मीहरुलाई जानकारी गराएपछि घटना बाहिर आएको हो । विहिबार दिउँसो पोखरीको पश्चिमा डिल अर्थात जानकी हेल्थ केयर एण्ड रिसर्च सेण्टर दिशाबाट विस्तारै शुक्रबारसम्म पूर्वी दक्षिणी घाटसम्म तैरिएर आइपुगेको हो , एक स्थानीयले बताए ।