Unknown person has shot at Dawa Lama identified as one of the gangsters by the police at Gaurighat of Kathmandu on Tuesday morning. Lama has sustained injuries to his foot and back. He has been admitted to a hospital, according to the police. SP Chhabilal Joshi said that it was still unknown who attacked Lama. Lama belongs to B grade category of 122 hooligans recently identified by Metropolitan Police Range and Metropolitan Police Crime Division. प्रहरीको गुन्डाको सूचीमा रहेका दावा लामामाथि राजधानीको गौरीघाटमा गोली प्रहार भएको छ। अज्ञात ब्यक्तिको गोली प्रहारबाट लामाको ढाँड र खुट्टामा गोली लागेको छ। गोली लागेका लामालाई अस्पताल भर्ना गरिएको प्रहरीले जनाएको छ। गोली कसले हान्यो भन्नेबारे केही नखुलेको प्रहरीले जनाएको छ। 'गोली कसले हान्यो भन्ने केही खुलेको छैन,' घटनास्थलमा रहेका एसएपी छबिलाल जोशीले भने, 'वरिपरिका सीसीटिभी हेरेर छानबिन गर्दैछौं।' प्रत्यक्षदर्शीका अनुसार पैदलै हिँड्दै आएका एक युवकले लामामाथि चार राउन्ड गोली प्रहार गरेका थिए। गोली हानेर ती युवक पैदलै भागेको प्रत्यक्षदर्शीलाई उद्धृत गर्दै एसएसपी जोशीले जानकारी दिए। महानगरीय प्रहरी प्ररिसर र महानगरीय प्रहरी अपराध महाशाखाले हालै बनाएको १ सय २२ जनाको गुन्डाको सूचीमा लामा बी ग्रेडमा छन्। काठमाडौंमा जुवा खेलाउने, पैसा लुट्नेलगायत अपराधिक घटनामा उनी संलग्न देखिँदै आएका छन्। एक महिना अगाडि महानगरीय प्रहरी वृत्त दरवारमार्गले उनलाई पक्राउ गरेकोमा धरौटीमा छोडेका थिए।