२ का संयोजक सत्यनारायण मण्डलको घरमा चैत २७ गते कालो झण्डा झुण्ड्याएका छन् । मोर्चाका जिल्ला संयोजक दिनेशकुमार यादवको नेतृत्वमा मोटरसाइकल र्‍यालीसहित पुगेका मोर्चाका कार्यकर्ताहरूले पूर्व खेलकुद मन्त्री मण्डलको घरमा कालो झण्डा झुण्ड्याउनुका साथै घरमा रहेका उनका ६० वर्षीया पत्नी र २१ वर्षीया बुहारीलाई गाली गलौजसमेत गरेको पीडित परिवारले जनायो । एमाले नेता मण्डलले मोर्चाका कार्यकर्ताहरूले घरमा महिलाहरूलाई गालीगलौज गरेर अपमानित गरेर सामाजिक मर्यादाको समेत उल्लङ्घन गरेको बताए । मोर्चाका कार्याकर्ताहरूले यसअघि कञ्चनरुप नगरपालिका र सप्तकोशी गाउँपालिकाको समेत बोर्ड हटाएर कालो झण्डा झुण्ड्याउनुका साथै स्थानीय निकायमा तालाबन्दी गरी कर्मचारीहरूलाई कामकाज नगर्न समेत धम्की दिएका छन् ।