इन्सेक सिरहा जिल्ला प्रतिनिधि दुर्गा परियारका अनुसार संयुक्त मधेसी मोर्चाले स्थानीय तह निर्वाचनको विरोध स्वरुप लहानमा लाठी जुलूस निकालेको छ । मोर्चाका नेता तथा कार्यकर्ताहरूले स्थानीय तहको निर्वाचन बहिष्कार गर, मधेसको माग सम्बोधन गर, अधिकार सहितको संविधान बनाऊ लगायतका नारा लगाएका थिए । पूर्व पश्चिम लोकमार्ग अन्तर्गत लहानको एनएमबी बैङ्क अगाडिबाट निकालेको जुलूस लहान बजार परिक्रमा गरी कोण सभामा परिणत भएको थियो । त्यसैगरी सिरहाको सिरहा, धनगढी, मिर्चैया, गोलबजार लगायतका नगरपालिकामा जुलूश निकालेका छन् ।