सिरहाको नरहा गाउँपालिका ३ स्थित खोरिया बत्राहीका दुई वर्षीय बालकलाई आफ्नै काकाले हत्या गरी शव गाडेको अवस्थामा फेला परेको छ । इलाका प्रहरी कार्यालय मिर्चैयाका प्रहरी नायब उपरीक्षक गजुरसिद्धि वज्राचार्यका अनुसार बुधबार आफ्नै घरबाट बेपत्ता भएका सिरहा नरहा ३ का रामभरोसी यादवका २ वर्षीय छोरा रञ्जनको शव बारीमा गाडिएको अवस्थामा फेला परेको हो । बुधबार राति ७ बजे घरमै ट्युसन पढिसकेपछि छोरा रञ्जनलाई नदेखेपछि उनको खोजी भएको थियो । धारिलो हतियारले घाँटी रेटेर बारीमा गाडेको अवस्थामा शुक्रबार साँझ उनको शव फेला परेको थियो । प्रहरीले घटनामा संलग्न मृतक रञ्जनका काका सुरेश यादवलाई पक्राउ गरेको छ । पक्राउ परेका सुरेश सगोलमा एउटै घरमा बस्थे ।