हेटौंडाको शिवम् सिमेन्ट उद्योग लिमिटेडमा रहेका पाँचवटा स्काभेटरमा नचिनेका मान्छेको समूहले शुक्रबार बिहान आगजनी गरेका छन् । गढी गाउँपालिका–७ सुकैराको खानीमा रहेका पाँचवटा स्काभेटरमा बिहान ३ बजेतिर नचिनेका व्यक्तिको समूहले आगजनी गरेको जिल्ला प्रहरी कार्यालय मकवानपुरका प्रहरी उपरीक्षक बसन्तकुमार लामाले बताउनुभयो । घटनाबारे अनुसन्धान भइरहेको प्रहरीले जनाएको छ ।