चुनाव विरोधी योजना बनाउन बैठक बसिरहेको बेला ७ जनालाई बिशेष सुराकीको आधारमा प्रहरीले पक्राउ गरेको छ। विप्लव माओवादीका दैलेख जिल्ला सेक्रेटरी सहित ७ जनालाई प्रहरीले आठविस नगरपालिका स्थित डावबाट पक्राउ गरेको हो। प्रहरी स्रोतका अनुसार चुनाव बिथोल्ने योजना बनाइरहेको खबर पाएसंगै प्रहरी बैठकस्थल घेरा हालेर पक्राउ गरेको हो। पक्राउ पर्नेमा जिल्ला सेक्रेटरी कमल विक सहोत ७ जना रहेका छन्। अन्य ६ जनाको नाम खुलाइएको छैन। प्रहरीले पक्राउ गरेलगत्तै उनीहरुलाई सदरमुकाम ल्याउन तयारी गरिरहेको जनाइएको छ।