मोरंङको बुढीगंगा गाउँपालिका-७ मा खुकुरी प्रहारबाट दुईजना घाइते भएका छन् । बुढीगंगा गाउँपालिका-७ का ४५ वर्षीय झगरो माझी र उनकै छोरा २२ वर्षीय भागरथ माझीलाई सोहि ठाउँका २४ वर्षीय मोहन चौधरी लगायतको समुहले खुकुरी प्रहार गरेका छन् । खुकुरी प्रहारबाट टाउकोमा चोट लागेका बाबु छोराको नोबेल अस्पताल बिराटनगरमा उपचार भइरहेको छ । खुकुरी प्रहार गर्ने समूह फरार रहेको र उनीहरुको खोजिकार्य भइरहेको प्रहरीले जनाएको छ ।