भरतपुर महानगरपालिकामा शनिबार बिहानै प्रेस कुकर बम फेला परेको छ । नेपाली कांग्रेस भरतपर महानगरपालिका–९ को सम्पर्क कार्यालय नजिकै बम फेला परेको हो । बम भेटिएको केही समयपछि नै नेपाली सेनाको बम डिस्पोजल टोलीले निक्रिय पारेको छ । सेतो बोराभित्र शंकास्पद वस्तु फेला परेपछि भरतपुर व्यारेकबाट नेपाली सेनाको टोली बम डिस्पोजका लागि आइपुगको थियो । बम कसले राख्यो भन्नेबारेमा केही खुलेको छैन । बमको हल्लाले त्रसित बनेको जनजीवन बम निस्क्रिय भएसँगै सामान्य बनेको छ । विप्लव नेतृत्वको नेपाल कम्युनिष्ट पार्टीले निर्वाचनविरोधी गतिविधि तीव्र पारिरहेका बेला प्रेसर कुकर बम फेला परेको हो ।