पूर्व–पश्चिम राजमार्गअन्तर्गत् कन्चनपुरको महेन्द्रनगर–अत्तरिया सडकखन्डमा पर्ने वनहरा जंगलनजिक भारतीय नम्बर प्लेटको एक ट्रकमा आगजनी गरिएको छ । महेन्द्रनगरबाट तरकारी र फलफूल बोकेर धनगढी जाँदै गरेको ट्रकमा शनिबार दिउँसो आगजनी गरिएको हो । नेपाल बन्द आह्वान गरेको नेपाल कम्युनिष्ट पार्टीले बन्दको अवज्ञा गरेको भन्दै ट्रकमा आगजनी गरेको जनाएको छ । घटनामा संलग्न केहीलाई पक्राउ गरी छानबिन भइरहेको जिल्ला प्रहरी कार्यालय कन्चनपुरले जनाएको छ ।