झापाको अर्जुनधारामा एक युवाले आफ्नै भाउजुलाई कुटपिट गरेका छन्|घरायसी जग्गा विवादको विषयलाई लिएर अर्जुनधारा नगरपालिका-६ स्थित मुखिनी गाउँकी एक महिलालाई उनकै देवर दिवाकरलाल चौधरीले कुटपिट गरेका हुन् | आफ्नै श्रीमानसंग उभिरहेको अवस्थामा दिवाकरलालले एक्कासी कुटपिट गरेको बताइएको छ |कुटपिटको क्रममा पिडित महिलाको बायाँ आँखाको डिल र ढाडमा निलडाम देखिएको स्थानीयले बताए| कुटपिट भएको विषयमा प्रहरी चौकी शनिश्चरेमा उजुरी परेको थियो| तर,यो विषयलाई इलाका प्रहरी कार्यालय बिर्तामोडमा ल्याएर मिलापत्र गरिएको छ| इलाका प्रहरी कार्यालय बिर्तामोडका अनुसार दिवाकर लालले समजो उपस्थितिका बीच भाउजुको खुट्टा छोएर माफी मागेका थिए | भाउजुलाई आक्रमण गर्ने दिवाकरलाल कन्सल्टेन्सी संचालक हुन् | तीन वर्षयता उनले बिर्तामोडमा शैक्षिक कन्सल्टेन्सी संचालन गर्दै आएका छन् |