संविधान संशोधनसहितको मागहरु पुरा गर्नु पर्ने माग गर्दै राष्ट्रिय जनता पार्टी नेपाल धनुषाले आईतबार जनकपुरधामसहित तराई मधेशको जिल्लाहरुमा लाठी जुलुस प्रदर्शन गरेको छ । जनकपुरको जनक चौकबाट शुरु भएको लाठी सहितको खबरदारी जुलुसले नगरको विभिन्न भागको परिक्रमा गरेका थिए । राजपा नेपालले संघीय गठबन्धन तथा संयुक्त लोकतान्त्रिक मधेशी मोर्चासँग विगतमा भएको तीन बुँदे समझदारी कार्यान्वयनको माग गर्दै चरणबद्ध शसक्त आन्दोलनमा उत्रेका छन् ।